Os secretarios xerais do sindicato vasco ELA e mais da CIG, Adolfo Muñoz “Txiki” e Suso Seixo, anunciaron hoxe a presentación dunha querela criminal ou, no seu caso, unha demanda penal, contra os responsábeis políticos dos gobernos e o gobernador do Banco de España, Miguel Ángel Ordoñez, pola súa responsabilidade na grave situación financeira do Estado español.

O pasado 27 de abril a CIG-Banca solicitaba a convocatoria urxente da comisión negociadora para a integración dos plans de pensións de Caixa Galicia e Caixanova, que finalmente foi convocada pola empresa para o día 9 de maio. Nesa xuntanza, CIG-Banca defenderá chegar a un acordo, sen máis dilacións, por entender que adiar a negociación de integración dos plans de pensións pode levar a súa transformación nun fondo interno, perdendo dereitos. Ademais, proporá reducir a prestación con cargo ao plan de pensións aos ex directivos a un euro.

O BNG presentou esta mañá á CIG a súa proposta de creación dunha banca pública. A alternativa foi acollida moi favorabelmente pola central sindical que, como lembrou Suso Seixo, secretario xeral, vén defendendo a necesidade deste instrumento financeiro para reactivar a economía, crear emprego e facilitar a saída da crise económica, desde o comezo da mesma.

Inmersos nunha situación de crise, da cal non se perciben signos de recuperación, topamos cuns Orzamentos Xerais do Estado (OXE-2012) novamente restritivos, que van contribuír a afondar aínda máis na dita crise, e que dificultan, a longo prazo, o futuro económico deste país. Non apostan polo investimento de capital (que se reduce en máis dun 26%) como motor da economía, imprescindíbel cando a iniciativa privada está contraéndose, día a día, debido á falla de fondos e á incerteza. De feito, prevén que a actividade económica descenda un 1,7% ao longo deste ano, tal e como se recolle na análise realizada pola responsábel do departamento de Economía da CIG, Natividade López Gromaz.

Se en setembro a entidade foi desvalorizada dun xeito escandaloso, hoxe fálase abertamente da posible de que sexa poxada por 1 euro. Estamos obxectivamente peor. Polo camiño asistimos a unha baixada dos depósitos, froito do descontento dunha gran parte da clientela e da sociedade e a quebra da confianza (fusión continuista, indemnizacións ex-directivos, pero sobre todo pola bancarización, a nacionalización a través do FROB, o corraliño das preferentes ou a mala imaxe dos continuos ERE´s). Ningún destes factores é imputable ao cadro de persoal.

A CIG de Ferrol organiza, o vindeiro luns día 23 de abril, ás 19:00 horas, na súa sede de Ferrol, unha conferencia a cargo do economista arxentino Jorge Beinstein, recoñecido representante da chamada “economía crítica” ou “heterodoxa” por oposición aos posicionamentos defendidos pola corrente “ortodoxa” neoliberal.

O sector da Autonómica da CIG-Administración vén de solicitar o pronunciamento público do conselleiro de Medio Ambiente, Territorio e Infraestruturas, tras saber que se acaban de xustificar varios convenios con medios de comunicación, por valor de 340.000 €, como “urxentes e necesarios”, mentres se recortan as condicións laborais, salariais e sociais do persoal do sector público. “Resulta unha proba da hipocrisía da austeridade do goberno galego e un insulto aos empregados públicos”, afirman.