A Confederación Intersindical Galega vén recibindo con motivo da convocatoria de folga xeral, numerosas mensaxes de organizacións sindicais internacionais nas que manifestan o seu apoio e solidariedade, non só coa central sindical, senón tamén con todas as traballadoras e traballadores que este xoves se mobilizarán para defender os seus dereitos laborais e sociais en Galiza. Reproducimos, de seguido, literalmente, algúns deles.

Na vila de Aspropirgos, a uns 20 Km do centro de Atenas, está unha das dúas factorías que ten a empresa “Helliniki Halyvourgia” (Aceirias Gregas). A loita que os seus traballadores e traballadoras están a levar para impedir a modificación das súas condicións laborais e pola readmisión dos despedidos é xa un paradigma da resistencia non só en Grecia, senón tamén  no ámbito internacional.

A India, un dos países do grupo dos BRICS, está chamada a desempeñar un papel de primeira orde na xeopolítica mundial. Con 1.200 millóns de habitantes na actualidade, todas as proxeccións estatísticas sinalan que dentro de 20 anos a poboación da India vai superar á poboación chinesa, converténdose no estado máis poboado do planeta. Mosaico de culturas, nacións, linguas e relixións, a India ten un sistema político-administrativo relativamente descentralizado.

Arredor de 600 persoas chegadas de todos os continentes participaron na 37ª Conferencia de Coordinación e Solidariedade co Pobo Saharauí, reunida na cidade de Sevilla, os días 3, 4 e 5 de febreiro. Como vén sendo habitual, as organizacións sindicais participantes elaboraron unha declaración e asumiron unhas liñas de traballo para este ano 2012. Estas reflexións terán continuidade durante o Congreso da UGTSARIO, a celebrar no mes de outubro nos campamentos de refuxiados.

A Fundación Moncho Reboiras-Fesga vén de publicar unha entrevista en vídeo con Pablo Micheli, secretario xeral da Central de Traballadores da Arxentina (CTA), que visitou Galiza recentemente convidado pola Confederación Intersindical Galega.

O 60% dos asasinatos de sindicalistas que se producen no mundo teñen lugar en Colombia, país no que se contabilizan máis de 2.600 activistas sindicais asasinados nos últimos 28 anos. A maiores, varios miles tiveron que abandonar Colombia por causa das ameazas de morte recibidas. No ano 2010 rexistráronse 51 asasinatos e un número lixeiramente menor no ano que ven de acabar.

Os locais da CIG na Coruña recibiron este venres a visita de Isabel Rauber, Gonzalo Gómez e Aramita Padrino que, aproveitando a súa estadía no noso País, mantiveron un encontro con membros da Dirección comarcal da central sindical, representantes da Executiva Confederal e da Fundación Moncho Reboiras-Fesga para intercambiar opinións e puntos de vista sobre a realidade económica, social e política de Galiza e Latinoamérica.