Protesta contra os recortes nos servizos públicos diante da residencia de maiores do Cornuval, no Carballiño

ivan — Tue, 17 Apr 2012 16:46:08 +0200

O comité de empresa do persoal laboral da Xefatura Territorial da Consellería de Traballo e Benestar de Ourense e os sindicatos que forman parte do mesmo (CIG, CC.OO, UGT e CSIF) convocan unha concentración na residencia do maior do Cornuval no Carballiño para denunciar:

-A amortización de prazas públicas na Residencia do Cornuval e nos demais centros dependentes da Consellería.

-O peche do centro de menores de Montealegre.

-O continuo recorte de servizos públicos, de persoal e de dereitos do persoal da Consellería de Traballo e Benestar na provincia de Ourense.

-A non apertura dun centro, a nova residencia de maiores, que se está deixando abandonar despois de dous anos rematada.

A protesta desenvolverase este mércores 18 de abril a partir das 11.30 horas.

Concentracións nas cidades galegas contra a reforma laboral do PP

ivan — Tue, 10 Apr 2012 18:43:43 +0200

Coincidindo co día no que se referendará no Congreso dos Deputados a reforma laboral, a CIG convoca concentracións en todas as cidades galegas para exixir a súa retirada. A central sindical denuncia que se trata dunha reforma pensada para facilitar o despedimento e favorecer a competitividade, pola vía de reducir salarios e rebaixar as condicións laborais substituíndo emprego fixo por precario e considera que só coa mobilización se poden frear as políticas de recortes de dereitos laborais e sociais que está a impor o Partido Popular.

A CIG demanda do goberno do PP a retirada da reforma laboral, logo do rotundo rexeitamento manifestado polos traballadores e traballadoras que participaron, de forma masiva, na convocatoria de folga xeral e nas multitudinarias mobilizacións convocadas o pasado 29 de marzo.

Por iso convoca, para este xoves, día 12 de abril, concentracións en todas as cidades que terán lugar en:

- Compostela: Praza de Galiza, 20.00 horas.

- A Coruña: Delegación do Goberno, 20.00 horas.

- Vigo: Farola de Príncipe, 20.00 horas.

- Ourense: Subdelegación do Goberno, 20.00 horas.

- Pontevedra: Subdelegación do Goberno, 20.00 horas.

- Lugo: Subdelegación do Goberno, 20.00 horas.

- Ferrol: Praza do Concello, 19.30 horas.

Manifestación en Ourense para reclamar a readmisión dun traballador despedido por Novagalicia Banco

ivan — Mon, 09 Apr 2012 14:45:13 +0200

A Federación de Banca da CIG convoca unha manifestación este martes día 10 de abril ás 19:00 horas, que sairá da oficina de Novagalicia Banco na rúa Xoán XXIII, 31-Ourense. Esta manifestación, que é unha continuación das mobilizacións realizadas en Ourense (2) e en Paderne de Allariz (1), ten como obxectivo reclamar a readmisión dun traballador inxustamente despedido.

Máis de 600 veciños/as de Paderne asinaron un escrito solicitando a readmisión do despedido que foi entregado á dirección da entidade; así mesmo outras 400 persoas que non residen na vila asinaron tamén en solidariedade.

A CIG-Novagalicia fixo un chamamento a participar na manifestación indicando que é preciso defender cada posto de traballo.

Acto informativo sobre a reforma laboral en Tui

ivan — Mon, 19 Mar 2012 12:55:05 +0100

Dentro da campaña de achegamento de información cara a folga xeral do vindeiro día 29, a CIG ten convocado en Tui, este mércores día 21 a partir das 19.30 horas, un acto informativo/explicativo sobre o contido da nova reforma laboral.

O acto desenvolverase na sala Félix da área panóramica, estando aberta a todas as persoas interesadas en coñecer mellor os efectos que se derivarán da aplicación desta lei.

Acto informativo sobre a reforma laboral en Ponteareas

ivan — Mon, 19 Mar 2012 12:46:12 +0100

Dentro da campaña de achegamento de información cara a folga xeral do vindeiro día 29, a CIG ten convocada para mañá martes, día 20, un acto informativo/explicativo en Ponteareas sobre o contido da nova reforma laboral.

O acto desenvolverase a partir das 20.00 horas no restaurante Ponteareas, ao carón das piscinas, estando aberta a todas as persoas interesadas en coñecer mellor os efectos que se derivarán da aplicación desta lei.

Asemblea aberta na CIG do Porriño para explicar as consecuencias da reforma laboral

begonha.carballo — Thu, 15 Mar 2012 12:06:07 +0100

Dentro da campaña de achegamento de información, encol da mal chamada “reforma laboral”, a Unión Local da CIG do Porriño ten convocada para hoxe, xoves día 15, unha asemblea informativa/explicativa sobre o contido desta agresión ao conxunto da clase traballadora.

A asemblea desenvolverase nos baixos da casa sindical, a partir das 20:00 horas, e está aberta a todas as persoas interesadas en coñecer mellor os efectos que se derivarán da aplicación desta lei.

Os traballadores/as do naval de Ferrol inician unha marcha a pé dende A Coruña a Compostela

begonha.carballo — Mon, 12 Mar 2012 12:56:28 +0100

Representantes dos traballadores/as de Navantia e as industrias auxiliares van iniciar este martes, 13 de marzo, unha marcha a pé dende a Delegación do Goberno na Coruña ) até Compostela, en demanda de carga de traballo e actuacións urxentes para salvar o sector naval.

Está previsto que o persoal comece a marcha ás 09:30 horas diante do edificio da Delegación do Goberno.

Esta mobilización dá continuidade á realizada o pasado mes de febreiro e que levou aos/ás operarios/as dos estaleiros públicos levou dende Ferrol até A Coruña. A chegada a Compostela está prevista para o xoves 15 de marzo, xornada na que o groso dos traballadores/as se trasladara en autobús até a capital de Galiza para participar nunha gran manifestación.

Asemblea aberta en Ordes para informar das consecuencias da reforma laboral

begonha.carballo — Fri, 02 Mar 2012 14:26:20 +0100

Ás 11:00 horas, no Salón de Plenos de Ordes, vaise celebrar unha asemblea aberta a toda a cidadanía para explicar as gravísimas consecuencias da reforma laboral aprobada polo Goberno do PP. Así mesmo, informarase da campaña que a CIG está a desenvolver de cara ás mobilizacións do 10 de Marzo -Día da Clase Obreira Galega- e como preparatoria da xornada de Folga Xeral do vindeiro 29 de marzo.

Actos da CIG en Ferrol e Lugo contra a reforma laboral e para preparar a Folga Xeral

begonha.carballo — Fri, 02 Mar 2012 14:24:16 +0100

Este luns 5 de marzo continúan os actos programados pola CIG de cara a explicar as consecuencias da reforma laboral e para concienciar da necesidade de participar na Folga Xeral do 29 de Marzo.

Ferrol: ás 19:30 horas acto no Torrente Ballester, con proxección do vídeo-documental sobre a crise e charla-coloquio sobre a situación económica e social actual. Ás 20:30 horas haberá unha concentración na Praza do Concello.

Lugo: ás 19:00 horas, na Faculdade de Veterinaria acto aberto no que tamén se proxectará o vídeo-documental da CIG, se abordarán as consecuencias da reforma laboral e a resposta da central sindical.

Nova xornada de mobilizacións no sector público contra os recortes

begonha.carballo — Fri, 02 Mar 2012 14:16:37 +0100

O martes 6 de marzo haberá novas concentracións e manifestacións, ás 11:30 horas, en contra da lei de recortes aprobada pola Xunta do PP para o conxunto do sector público.

-Compostela: ás 11:30 horas concentracións en San Caetano (diante da cafetería), San Lázaro (diante Medio Ambiente), diante do Hospital Clínico Universitario, do Hospital de Conxo (hospital psiquiátrico) e diante do edificio da CRTVG en San Marcos.

-A Coruña: ás 11:30 horas concentracións no Edificio Administrativo de Monelos e na rotonda do CHUAC.

-Ferrol: ás 11:30 horas concentracións no Edificio Administrativo e no Complexo hospitalario Arquitecto Marcide.

-Ourense: ás 11:30 horas concentración diante da Casa de Chocolate.

-Pontevedra: ás 11:30 horas asemblea e concentración no Edificio Administrativo da Xunta, na entrada do Hospital Provincial e do Hospital de Montecelo.

-Vigo: ás 11:00 horas concentración no Edificio Administrativo da Xunta.

-Lugo: ás 11:30 horas cacerolada no Hospital Lucus Augusti.

-Ribeira: ás 11:30 horas, concentración no Hospital do Barbanza.

-Burela: ás 11:30 concentración diante do Hospital da Costa.

-Monforte: ás 11:30 horas concentración no Hospital comarcal.

-O Barco: ás 11:30 horas concentración no Hospital Comarcal de Valdeorras e asemblea.

Concentración contra o ERE de Novagalicia Banco

begonha.carballo — Mon, 20 Feb 2012 13:48:16 +0100

A Federación de Banca da CIG convoca unha concentración para este mércores, 22 de febreiro, ás 11:00 horas, diante de Novagalicia Banco na Coruña (Rúa Nova, 30), en protesta polo ERE presentado pola empresa para a destrución de 775 postos de traballo.

Mobilizacións nos centros de traballo contra o Anteproxecto de Lei de Medidas no Emprego Público

begonha.carballo — Fri, 10 Feb 2012 12:59:23 +0100

Dentro do calendario de mobilizacións acordado polas organizacións sindicais en demanda da retirada do Anteproxecto de Lei de Medidas no Emprego Público, este xoves realizaranse concentracións, ás 11:30 horas e de xeito simultáneo, nos distintos centros de traballo de todo o País.

Horarios e lugares das principais mobilizacións:

Xoves, 16 de febreiro de 2012
En toda Galiza (referencia xeral)	11:30	En todas as localidades e centros de traballo. Como referencia: - Edificios Administrativos da Xunta - Áreas Sanitarias (hospitais de referencia) - Xulgados	Concentración
A Coruña	11:00	Rotonda do CHUAC	Concentración
A Coruña	11:30	Edificio administrativo da Xunta en Monelos	Concentración
A Coruña	11:00	Hospital Abente y Lago	Concentración
Castro Caldelas	12:00	Diante da Residencia da 3ª idade	Concentración
Compostela	11:30	San Caetano (diante edificio Presidencia)	Concentración
Compostela	11:30	Diante do Hospital Clínico	Concentración
Ferrol	10:00	Xulgados	Concentración
Ferrol	11:30	Residencia Arquitecto Marcide	Concentración
Ferrol	12:00	Edificio Administrativo da Xunta	Concentración
Lugo	11:00	Vestíbulo do Hospital Lucus Augusti	Concentración
Lugo	12:00	Edificio Administrativo da Xunta	Concentración
O Barco	12:00	Casa Grande	Concentración
O Carballiño	12:00	Diante da Residencia da 3ª idade	Concentración
Ourense	11:00	Diante da Delegación de Educación	Concentración
Ourense	11:30	Diante do Edificio Administrativo (Casa de Chocolate)	Concentración
Ourense	11:30	Diante do Complexo Hospitalario de Ourense (CHOU)	Concentración
Pontevedra	12:00	Edificio Administrativo da Xunta	Concentración
Verín	12:00	Praza do Concello	Concentración
Vigo	11:30	Xulgados	Concentración
Vigo	12:00	Edificio Administrativo da Xunta	Concentración
Vigo	12:00	Dirección Provincial SERGAS	Concentración
Xinzo de Limia	12:00	Praza Maior	Concentración

Remate da marcha do naval ferrolá e manifestación polas rúas da Coruña até a Delegación do Goberno

begonha.carballo — Wed, 08 Feb 2012 13:03:42 +0100

Terceira é última xornada da marcha a pé que máis de un cento de traballadores e traballadoras do naval da ría de Ferrol están a realizar até A Coruña endemanda de carga de traballo. Está previsto que a marcha chegue ás 10:00 horas até a zona de Casablanca, onde os camiñantes serán recibidos polo groso do persoal dos estaleiros que se trasladarán en autobús até a cidade herculina. Dende alí sairán todos/as xuntos en manifestación até as portas da Delegación do Goberno, onde ás 10:30 horas, manterán unha xuntanza con Samuel Juárez.

Concentración contra os novos recortes da Xunta para o persoal das administracións públicas

begonha.carballo — Wed, 08 Feb 2012 13:02:05 +0100

As centrais sindicais CIG, CCOO, UGT e CSI-F convocan unha concentración este xoves 9 de febreiro, ás 12:15 horas, diante da entrada principal ao complexo administrativo da Xunta en San Caetano, Compostela.

A protesta enmárcase no calendario de mobilizacións conxuntas acordado polas catro organizacións sindicais en contra do Anteproxecto de Lei de Medidas no Emprego Público anunciado pola Consellaría de Facenda a pasada semana. Estas medidas suporán un novo recorte nos dereitos laborais e económicos de todos os empregados e empregadas que prestan servizos nas administracións públicas galegas, así como un ataque aos servizos públicos e a cualidade dos mesmos.

No marco da concentración, representantes das centrais sindicais tamén rexistrarán un escrito no que solicitan á Xunta a retirada inmediata deste anteproxecto.

Manifestación en defensa do emprego e contra a deslocalización de Alcoa Inespal

begonha.carballo — Wed, 01 Feb 2012 18:38:20 +0100

O Comité de Alcoa Inespal ten convocada unha manifestación este venres 3 de febreiro en contra das pretensións da multinacional de deslocalizar a produción e na defensa dos postos de traballo no noso país. Alcoa vén de anunciar un recorte de produción e un ERE de suspensión temporal (cunha duración de 12 meses) que, no caso de autorizarse, afectaría ao 50% do cadro de persoal da factoría da Coruñ. Para o Comité esta decisión responde á clara intención da empresa de pechar a fábrica herculina e trasladar á produción ás novas instalacións que está a construír en Arabia Saudita.

A marcha sairá ás 20:00 horas da Praza da Palloza e percorrerá as rúas da Coruña até o edificio da Delegación do Goberno baixo a consigna "Non á deslocalización. Por un futuro industrial para o sector do aluminio".

Manifestación en defensa do sector naval en Vigo

ivan — Wed, 25 Jan 2012 11:18:01 +0100

Manifestación en defensa do sector naval este xoves en Vigo a partir das 20.00 horas. A marcha sae de Vía Norte e remata diante do edificio da Xunta de Galiza.

Concentración diante do Banco Pastor a prol dun protocolo de absorción

begonha.carballo — Tue, 24 Jan 2012 19:48:17 +0100

A Sección Sindical da CIG no Banco Pastor ten convocada unha concentración diante da sede do Banco Pastor para demandar un protocolo de absorción da entidade polo Banco Popular que garanta o mantemento dos empregos e unhas condicións dignas.

Protesta en Vigo contra os despedimentos en FCC

ivan — Wed, 16 Nov 2011 14:23:52 +0100

Os traballadores/as de FCC, concesionaria da limpeza e recollida do lixo de Vigo, realizarán unha concentración de protesta para rexeitar os plans do Goberno local de despedir a uns 180 empregados/as e reducir a calidade do servizo. Será diante do consistorio a partir das 12.00 horas.

Asemblea da CIG-Servizos de Ferrol sobre o convenio provincial de limpeza de edificios e locais

begonha.carballo — Wed, 16 Nov 2011 10:46:31 +0100

A Federación de Servizos da CIG de Ferrol ten convocada este venres, 18 de novembro, unha asemblea aberta a todos os traballadores e traballadoras afectados/as polo convenio provincial de limpeza de edificios e locais. O acto realizase no local da CIG de Ferrol (Avda. do Esteiro) en horario de mañá, ás 10:00 horas, e pola tarde, ás 18:00 horas.

Manifestación da CIG-Banca contra do desmantelamento do sistema financeiro galego e a destrución de emprego no sector

begonha.carballo — Fri, 11 Nov 2011 17:03:21 +0100

A Federación de Banca da CIG ten convocada unha manifestación na cidade da Coruña este luns, 14 de novembro, en contra do proceso de reconversión e centralización do sector financeiro impulsado polo Goberno español, co apio do PP. Este proceso supón o desmantelamento das entidades financeiras galegas e pon en perigo a continuidade duns 3.000 empregos no noso País.

A manifestación sairá ás 12 do medioría dende a sede de Novagalicia Banco na Rúa Nova, seguirá polos Cantóns e a rúa Juana de Vega, para rematar diante do edificio do Banco de España.

Manifestación comarcal en Ferrol en defensa do emprego e do sector naval

begonha.carballo — Fri, 28 Oct 2011 11:20:36 +0200

O domingo 6 de novembro a cidadanía de Ferrolterra está chamada a participar nunha gran manifestación comarcal convocada por CIG, CCOO, UGT e USTG en defensa do emprego e do sector naval. A marcha partirá ás 12:00 horas dende o Inferniño baixo o lema “Polo emprego e o futuro da comarca. O naval é fundamental. Carga de traballo xa”.

Manifestación en Vigo contra a especulación financeira e en defensa do emprego

ivan — Tue, 25 Oct 2011 18:36:21 +0200

Os sindicatos CIG, CCOO e UGT convocan unha manifestación conxunta contra a especulación financeira e en defensa do emprego na comarca de Vigo. Coa mobilización, que terá lugar o vindeiro domingo 6 de novembro a partir das 12.00 horas dende a Praza dos Cabalos, as tres centrais queren denunciar que a perda de postos de traballo na bisbarra chegou a unha situación insostíbel e reclamar das administracións central e autonómica a posta en marcha de medidas que estimulen a creación de emprego. A marcha reivindicativa desenvolverase baixo o lema "Vigo é traballo. Contra a especulación financeira, en defensa do emprego na comarca".

Mobilizacións en todas as áreas sanitarias contra os recortes na sanidade pública

begonha.carballo — Tue, 25 Oct 2011 18:02:09 +0200

O xoves 27 de outubro a Plataforma SOS Sanidade Pública, que agrupa a todas as Plataformas en Defensa da Sanidade Pública, ten convocadas mobilizacións simultáneas ás 20:00 horas en todas as Áreas Sanitarias do País, en defensa dos servizos sanitarios públicos e contra dos recortes aplicados pola Consellaría e a Xunta de Galiza.

Lugares das mobilizacións xa concretados:

Vigo: Manifestación con saída do Hospital Xeral (Rúa Pizarro).

Pontevedra: Manifestación con saída da Praza da Ferreiría.

Barbanza: Concentración na Praza do Concello de Ribeira.

Santiago de Compostela: Concentración na Praza do Toural.

A Coruña: Concentración no Obelisco (Cantón Grande).

Ferrol: Concentración na Praza de Armas.

Lugo: Concentración no Edificio Multiusos da Xunta de Galiza.

Monforte: Acto Público no Multiusos de Monforte, ás 20:15 horas.

O Barco de Valdeorras: Manifestación con saída do Pavillón de Calabagueiros.

A Mariña: Concentración diante do Hospital da Costa.

Máis información nas web da CIG-Saúde e na páxina da Plataforma SOS Sanidade Pública.

Concentración do Comité de Emesa en San Caetano

begonha.carballo — Tue, 27 Sep 2011 13:26:23 +0200

O Comité de Emesa vai desenvolver unha concentración, a partir das 10:00 horas, diante do edificio administrativo de San Caetano para demandar unha reunión urxente coa Conselleira de Traballo, Beatriz Mato. O Comité lembra que dita reunión xa foi comprometida pola Consellaría a pasada semana, mais a día de hoxe a representación do persoal continúa agardando que a administración fixe a data e a hora da xuntanza, a pesar dos despedimentos comunicados esta luns pola dirección de Emesa en pleno proceso de negociación do cuarto expediente de suspensión.

Manfiestación en demanda de carga de traballo para o naval de Ferrol

begonha.carballo — Tue, 27 Sep 2011 13:21:54 +0200

Os/as traballadores/as de Navantia e da industria auxiliar inician este mércores un calendario de mobilizacións en demanda de carga de traballo para os estaleiros e da construción do dique flotante. O persoal marchará dende as instalacións de Navantia en Ferrol até o Concello, onde agardan manter un encontro co alcalde. As protestas repetiranse cada mércores até concluír o próximo domingo 6 de novembro nunha gran mobilización comarcal convocada por CIG, CCOO, UGT e USTG.