Corenta e un traballadores da empresa ‘Francisco Gómez e Cia’, quedarán na rúa logo de executarse o ERE aprobado unilateralmente pola empresa e que foi xustificado en previsión de perdas futuras. Este martes, os traballadores, apoiados por representantes da CIG-Construción, concentrábanse diante das instalacións do grupo en Touro.

Coincidindo coa véspera da celebración do Día Internacional da Seguridade e a Saúde Laboral, extraballadores/as das obras do Porto Exterior e delegados/as da CIG participaron nunha concentración diante da Autoridade Portuaria para reivindicar a creación de empregos sen riscos de morte e con garantías do pleno cumprimento da normativa en materia de seguridade e saúde laboral. Así mesmo, coa protesta a CIG reclamar a recolocación dos exempregados da UTE-Langosteira nas futuras obras que se contraten no porto.

Os traballadores da construción e industrias afíns levan padecendo os efectos da crise económica dende o seu inicio. Son moitos os milleiros de familias que malviven sen ningún tipo de ingreso ou cobrando unha prestación asistencial, conxelada en 426,01 € como consecuencia da non subida do SMI por parte do Goberno do PP. No ano 2007 traballaban na construción, madeira, pedra ou derivados do cemento en Galiza 188.264 persoas (147.062 asalariadas e 41.202 autónomas); en febreiro de 2012 as cifras caían a 107.085, destruíndose por tanto 81.179 postos de traballo.

Os traballadores e traballadoras de Privilege manifestáronse na mañá deste venres dende as portas da fábrica no Polígono das Lagoas até a Casa Concello de Narón, onde mantiveron unha xuntanza co alcalde e os/as voceiros/as dos grupos municipais para demandar o apoio da Corporación e instalos a urxir á Xunta na procura dun comprador para a factoría que posibilite á continuidade da actividade e os 73 empregos.

Dous anos despois do peche da empresa ourensá Vidreira do Atlántico por imposición da súa patronal, a Axencia Española de Protección de Datos (AEPD), vén de ditar unha resolución estimando a solicitude de Manoel Anxo García Torres (CIG) e 100 traballadores/as máis. En 2009 solicitáranlle á compañía o acceso e entrega das imaxes e sons gravados pola dirección durante as cinco convocatorias de folga desenvolvidas dende xaneiro a marzo dese ano ao entender que estaba a vulnerar o dereito fundamental como é o de folga.

Un grupo dunhas 50 ex traballadoras e ex traballadores do Grupo de Empresas Álvarez (GEA), trasladaranse este xoves até Culleredo para realizar unha concentración diante das instalacións que Transportes Azkar ten no Polígono de Ledoño. Con esta nova protesta, o persoal quere esixir o pagamento das contías económicas que a empresa “Inmobiliaria Subel” –propiedade de Azkar- adebeda aos ex traballadores e ex traballadoras de GEA de Arcade e Vigo.

Os traballadores e traballadoras de Privilege, empresa que se dedica á fabricación de pranchas de cuarzo granulado, concentráronse na mañá deste venres ás portas da factoría para esixir carga de traballo á principal propietaria (a italiana Quarella), co obxectivo de garantir así a continuidade da actividade e os 73 postos de traballo.