Actualidade Vigo, 16 de febreiro de 2008 Contra os despedimentos Concentración por unha subrogación cos mesmos dereitos en Limpezas Cliner   CIG-Comunicación- cig.prensa@galizacig.com   Cos berros de “Subrogación cos mesmos dereitos”, e acompañados de chifres e moitos ruídos, as e os participantes desta mobilización decidiron cortar o tránsito, mentres repartían panfletos entre a cidadanía dando a coñecer a súa situación. (Fotos: ©galizacig.com 15/02/2008).   Nova mobilización dos traballadores e traballadoras de Cliner, empresa que subrogou o seu servizo de limpeza nas oficinas do Banco Santander a Limpezas Cíes, o que está a provocar despedimentos e recortes de xornada e dereitos laborais. Pasadas ás doce da mañá tiña lugar unha nova concentración no céntrico cruce de Colón na rúa de Vigo, diante da sucursal central da Oficina Santander, para denunciar a situación que están a vivir as traballadoras e traballadores de limpeza destes centros de traballo. Cos berros de “Subrogación cos mesmos dereitos”, e acompañados de chifres e moitos ruídos, as e os participantes desta mobilización decidiron cortar o tránsito nesta zona do centro de Vigo, mentres repartían panfletos entre a cidadanía dando a coñecer a súa situación. "Non respectan o noso convenio" As traballadoras e traballadores da empresa Cliner que realizan o servizo de limpeza nas distintas sucursais do Banco Santander Central Hispano das provincias de Pontevedra e Ourense mobilizáronse este venres 15 de febreiro de novo porque a empresa Cliner “non respecta o noso convenio colectivo, despedindo a catro traballadores/as e reducindo nun 50% a xornada de traballo a outros cincuenta compañeiros e compañeiras”. A mobilización, convocada conxuntamente por CIG, CCOO e UGT, non será a última que terá lugar na cidade de Vigo, xa que “de continuar con esta actitude Limpezas Cliner continuaremos coas mobilizacións, até que se respecten os dereitos dos traballadores e traballadoras”.

Informacións relacionadas 14/02/2008 Diante das oficinas do Banco Santander en Vigo Concentración pola perda de dereitos laborais e o despedimento de dúas traballadoras de Limpezas Cliner

Confederación Intersindical Galega www.galizacig.com ÚLTIMA REVISIÓN: 16/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta