Actualidade Vigo, 17 de outubro de 2007 Por un Convenio único de Canteiras, Áridos e Graniteiras CCOO e CIG convocan folga indefinida no sector da Pedra desde o 24 de outubro   CIG-Comunicación- cig.prensa@galizacig.com   Marcha polas rúas de O Porriño, o 18 de xaneiro de 2007, baixo o lema “Pola mellora da saúde no sector da Pedra: silicose, solución xa!”. (Foto: ©galizacig.com).   Despois dunha asemblea de traballadores en O Porriño, os sindicatos CIG e CCOO decidiron convocar para o 24 de outubro unha folga nas canteiras, nas empresas de áridos e graniteiras para conseguir un convenio único para este sector, que afecta a máis de 5.000 traballadores na provincia de Pontevedra e que tería carácter indefinido. O martes 16 de outubro reuníronse no local comarcal da CIG de Vigo representantes dos sindicatos CCOO, UGT e CIG para decidir e establecer a data de inicio da folga que a asemblea de traballadores da Pedra da semana pasada decidira convocar. Na asemblea de traballadores -que tivo lugar na Casa de Cultura de O Porriño- dos distintos sectores, á que asistiron unhas 300 persoas, manifestouse unanimemente a favor do convenio único e de convocar unha folga indefinida. Na xuntanza acordaron CIG e CCOO convocar folga indefinida a partir do 24 de outubro, e UGT aínda non tomou decisión sobre esta convocatoria. A esta folga estarían convocados polo sector de Mármores e Pedras, 4.500 traballadores, e polo das Canteiras e Áridos 1.200. Convenio único e toxicidade Alberte Fernández, secretario comarcal de Vigo da CIG Construción, informa de que con esta convocatoria de folga “se reclama un convenio único, para que se recoñezan os tóxicos para os tres sectores (demanda da aplicación do plus tóxico-penoso no sector pola doenza da silicose que afecta a estes traballadores), xornada de verán nas canteiras e nas areeiras, pluses de turnicidade nas empresas de transformación da pedra e eliminación das empresas de traballo temporal no sector”.

Informacións relacionadas 26/01/2007 Os traballadores reclaman mudanzas reais nas canteiras Máis de 1.500 persoas maniféstanse en O Porriño pola seguridade e saúde laboral no sector da Pedra 19/01/2007 Despois dunha numerosa Asemblea de delegados e delegadas “Silicose, solución xa!”, manifestación en O Porriño pola mellora da saúde no sector da Pedra 11/01/2007 O 25 de xaneiro “En defensa da nosa saúde, solucións inmediatas para os afectados de silicose” Próxima manifestación en O Porriño dos traballadores da Pedra 26/12/2006 Para sensibilizar á sociedade sobre a necesidade do recoñecemento do problema da silicose nas canteiras A Asemblea de traballadores da Pedra de O Porriño aproba mobilizacións para finais xaneiro 19/12/2006 O mércores 20, na Casa Sindical, CIG, CCOO e UGT informarán dos pasos dados para afrontar a problemática do sector Asemblea de traballadores/as da Pedra en O Porriño 28/11/2006 Xosé Xoán Melón anunciou unha campaña de denuncia da precaria situación dos traballadores da industria da pedra en Galiza Próximas mobilizacións nas canteiras de O Porriño Entrevista ao xefe da unidade de Medicina do Traballo do Centro de Seguridade e Saúde Laboral de Rande Manuel Gil Fernández fala sobre a enfermidade profesional da silicose 24/11/2006 A Federación de Construción da CIG organiza unha xornada de Prevención na Industria da Pedra 27/10/2006 Acudirán á xuntanza Antón Louro, Ana Pastor e Olaia Fernández A Federación da Construción reúnese cos portavoces galegos no Congreso para tratar a cuestión da silicose

Confederación Intersindical Galega www.galizacig.com ÚLTIMA REVISIÓN: 17/10/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta