|
Actualidade
Vigo, 16 de outubro de 2007
O 23 e 24 de outubro en Compostela
A Fundación Galiza Sempre organiza debates sobre o franquismo contemporáneo
| |
 |
| Bautista Álvarez, Xusto Beramendi, Xosé
Manuel Beiras, Asunción Santos Castroviejo, Xavier Castro, Bernardo Máiz e Xesús Veiga Buxán
son as persoas encargadas de desenvolver os debates públicos que se celebrarán os días 23
e 24 no Auditorio da Fundación Caixa Galicia na rúa do Vilar de Santiago. |
| |
Estas xornadas de debate organizadas pola Fundación
Galiza Sempre levan por título “O franquismo contemporáneo: memoria e secuelas”. Abordaranse temas
como a clandestinidade, a vida galega baixo a ditadura, a represión franquista nos anos 60 e 70 ou a herdanza
política franquista. As conferencias terán lugar no Auditorio da Fundación Caixa Galicia.
Bautista Álvarez, Xusto Beramendi, Xosé
Manuel Beiras, Asunción Santos Castroviejo, Xavier Castro, Bernardo Máiz e Xesús Veiga Buxán
son as persoas encargadas de desenvolver os debates públicos -organizados por Galiza Sempre coa colaboración
da Consellaría de Cultura- que se celebrarán os días 23 e 24 no Auditorio da Fundación
Caixa Galicia na rúa do Vilar de Santiago.
Para os organizadores, “parece necesario retomar
a análise daquel tempo para reivindicar a memoria dos que fixeron posíbel a chegada da democracia
a costa de represión, cárcere e enormes custes vitais, laborais e profesionais, ao tempo que se indaga
nas consecuencias políticas da renuncia a unha verdadeira ruptura democrática coa ditadura”, especialmente
cando “como acontece co alzamento de 1936, o propio réxime franquista está lonxe de ser unanimemente
deostado en importantes sectores con poder de influenza na opinión pública e son precisamente os
seus últimos anos -desde a década dos 60- os máis susceptíbeis de suscitar valoracións
indulxentes”.
Programa
Martes 23 de outubro
17:15 horas
Presentación. A cargo de Xabier Macías, director da Fundación
Galiza Sempre.
17:30 horas
A clandestinidade. O traballo de reconstrución e organización de novas
forzas políticas na ilegalidade. Con Bautista Álvarez, integrante do grupo Brais Pinto e un dos fundadores
da UPG, e Xusto Beramendi, catedrático de Historia Contemporánea da USC.
19:30 horas
O pobo como vítima. Unha ollada retrospectiva á vida galega baixo
a ditadura. Con Asunción Santos Castroviejo, activista feminista e Xavier Castro, catedrático da
Escola Universitaria de Historia Contemporánea da Universidade de Santiago de Compostela.
Mércores 24 de outubro
17:30 horas
A represión franquista nos anos
60 e 70. 1959-1977, o marco lexislativo
represivo e a súa aplicación práctica. Con Bernardo Máiz Vázquez, catedrático
no IES Concepción Arenal de Ferrol.
19:30 horas
As secuelas do franquismo. O trunfo da reforma fronte á ruptura democrática
como condicionante dos avances democráticos e dos atrancos ao recoñecemento dos dereitos nacionais
de Galiza. Con Xesús Veiga Buxán, dirixente do MCG (actual Inzar) na transición e Xosé
Manuel Beiras, membro fundador do PSG e presidente da Fundación Galiza Sempre.
|
