Actualidade Vigo/A Coruña, 15 de marzo de 2007 Empregados e empregadas aumentarán as medidas de presión Atento despide 179 traballadores/as en A Coruña   CIG-Comunicación- cig.prensa@galizacig.com   A deslocalización do sector de Telemárketing cébase de novo na cidade de A Coruña, desta volta con 179 despedimentos en Atento (compañía filial da multinacional Telefónica), despedimentos que se suman aos 700 de Jazztel do pasado verán. (Foto: ©galizacig.com 14/03/2007).   O pasado día 14 de marzo o Comité de Empresa da plataforma de Atento en A Coruña estaba convocado a unha reunión ás 16:00 horas coa empresa. Mentres os representantes dos traballadores e traballadoras asistían a esta reunión, a empresa aproveitou para comezar a entregar as cartas de despido a 179 persoas. A privatización do sector das telecomunicacións tivo un efecto pernicioso sobre os usuarios/as, pero tamén sobre os traballadores e traballadoras do sector. Nun primeiro momento, coas regulacións de emprego nas operadoras e coa subcontratación da maior parte das actividades, precarizando as condicións laborais, e agora coa deslocalización das subcontratas nun paso máis na explotación laboral. A deslocalización do sector de Telemárketing cébase de novo na cidade de A Coruña, desta volta con 179 despedimentos en Atento (compañía filial da multinacional Telefónica), despedimentos que se suman aos 700 de Jazztel do pasado verán. O mesmo día 14 os traballadores e traballadoras da quenda da tarde, á saída do traballo, ás 20:00 horas, convocados/as polo Comité de Empresa, procederon a realizar unha sentada diante da sede da empresa na rúa Juan Flórez nº 80 de A Coruña. Nesta concentración participaron máis de 300 persoas que, ás 21:30 horas da noite, continuaban concentradas cortando o tráfico en asemblea aberta, debatendo a posible continuidade da mobilización polas rúas do centro da cidade. O Comité de Empresa, no que está presente a CIG, ten previstas novas mobilizacións para dar resposta a estes despedimentos. A seguinte convocatoria é para mañá día 15 de marzo, ás 10:00 horas diante da sede da empresa na rúa Juan Flórez de A Coruña.

Informacións relacionadas 14/03/2007 Xa foron despedidos 18 traballadores na sede coruñesa desta filial de Telefónica Os empregados/as de Atento en A Coruña mobilízanse na defensa dos seus postos

Confederación Intersindical Galega www.galizacig.com ÚLTIMA REVISIÓN: 15/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta