|
Actualidade CIG-Comunicación-
Os traballadores e traballadoras de Rodycut Montenegro están convocados á folga para que a represión empresarial cese, xa que desde hai tempo a empresa vén provocando cambios na organización do traballo e no tempo dos traballadores, como pode ser o tempo do bocadillo ou os permisos para ir ao baño. Outro dos motivos é o despedimento dunha traballadora, e demandan tamén unha solución a este despedimento. A singularidade desta empresa é que o persoal leva anos reclamando a modificación das instalacións pois nelas se manipula un producto canceríxeno (MBOCA), polo que os traballadores/as demandan unha maior seguridade no traballo para mellorar as súas condicións laborais. A empresa, en vez de atender á demanda de velar pola saúde do seu persoal, fai uso de medidas de presión aos traballadores como é a instalación de cámaras de videovixiancia e a imposición de continuas sancións a aquelas persoas que demandan se respecten os seus dereitos como traballadores. Os conflitos en Rodycut Montenegro aparecen desde que hai un ano esta empresa francesa compra a antigua Astine e impón cambios na cuestión de horarios e tempos. Por estes motivos, e polo último acontecemento máis grave que foi o despedimento dunha traballadora, hai unha semana os traballadores decidiron convocar a folga. O peche na empresa que decidiron realizar na mañá do venres 20 os traballadores/as de Rodycut Montenegro é unha tentativa máis de presentar as súas reclamacións e propostas ao xerente da empresa, que en lugar de tentar solucionar o conflito desapareceu, co que ás seis da tarde a empresa pechará as súas instalacións aínda que os traballadores teñen a vontade de permanecer nela. |
||||||||||
Informacións relacionadas
|
||||||||||
|
||||||||||
|
ÚLTIMA REVISIÓN: 21/10/2006 |
||||||||||
|
