Actualidade Vigo, 18 de marzo de 2005 XX Convenio da Banca Privada Comunicado nº 5   CIG-Comunicación- cig.prensa@galizacig.com   Convenio Galego, XA!   Facendo tempo Na xuntanza do día 17 de marzo estaba previsto que se abordara Conciliación da vida laboral e familiar, Préstamos e Xubilacións forzosas a petición da AEB. Conciliación vida laboral e familiar e Préstamos Malia o compromiso anterior a AEB non fixo ningunha proposta. O resto dos sindicatos reiteraron o exposto nas súas Plataformas. Nós negámonos a entrar neste xogo, a patronal xa coñece cal son as nosas peticións. En todo caso a mellor forma de conciliar a vida laboral e familiar é cumprindo a xornada laboral e librando os sábados. Xubilacións forzosas A patronal anunciou que está en marcha un proxecto de lei en materia de xubilacións. Queren anticiparse ás modificacións legais introducindo no artigo 39 do Convenio da Banca o seguinte texto: “...con el objeto de mantener el empleo y favorecer la contratación de nuevos trabajadores”. Cremos que non cabe traer ao Convenio Colectivo unha modificación legal que aínda non foi aprobada. A AEB pretende que a negociación do Convenio entre na mesma dinámica que nos anteriores procesos, mantendo unha posición intransixente, desprezativa e insultante cara á representación legal dos traballadores/as. Nesta situación son cómplices CCOO e UGT, que coa súa petición dunha suba salarial do 2% aplicando no sector o “Acordo Estatal de Moderación Salarial”, están entregando a negociación. A asemblea de delegados/a de banca da CIG aprobou o pasado día 16 de marzo rexeitar a aplicación no sector do Acordo de Moderación Salarial, e manter unha postura firme nas reivindicacións históricas dos traballadores/as da banca. A vindeira xuntanza terá lugar o 7 de abril. Galiza, 17 de marzo de 2005.       Descarga, imprime e difunde.

Confederación Intersindical Galega www.galizacig.com ÚLTIMA REVISIÓN: 18/03/2005 cig.informatica