Actualidade 
Ourense, 16 de outubro de 2003
Convenio de Aforro
Comunicado nº 9
Convenio Colectivo, a voltas coas categorías
O Convenio Colectivo continúa centrado na Clasificación Profesional. A patronal reiterou as liñas básicas da súa proposta: - Creación dun só grupo profesional que integre a todos os grupos e categorías actuais (Administrativos, Titulados e Informáticos).
- Transposición das actuais categorías profesionais en niveis con mobilidade funcional.
- Aceptan o ascenso para os auxiliares administrativos pero só ata o nivel equivalente á actual categoría de Oficial Segunda en 12 anos.
Dado que as categorías profesionais e a carreira profesional centran a negociación do convenio colectivo, é bo coñecer a evolución do emprego nas Caixas de Aforros por categorías laborais a nivel estatal, que presentamos na táboa seguinte: | | 1992 | 2001 | 92-01 | % | | Xefes | 17.275 | 31.098 | 13.823 | 80,01 | | Oficiais | 35.786 | 37.237 | 1.451 | 4,05 | | Auxiliares | 19.064 | 32.549 | 13.485 | 70,74 | | Titulados | 671 | 627 | -44 | -6,56 | | Informática | 2.906 | 2.199 | -707 | -24,33 | | Axudantes Aforro | 2.893 | 916 | -1.977 | -68,34 | | Outros | 3.437 | 712 | -2.725 | -79,28 | | Persoal OBS* | 965 | 1.346 | 381 | 39,48 |  | | * Ao persoal da Obra Benéfico Social non se lle aplica o Convenio de Aforro. |
A patronal trata de levar ao convenio colectivo o que xa é unha realidade no sector: os “titulados”, o “persoal de informática”, os “axudantes de aforros” e “oficios e actividades varias” son categorías a extinguir. Agora ben, a transformación das categorías en niveis, non pode traducirse nunha perda de dereitos nin de salarios. Para paliar esta perda a ACARL só oferta un “Plus Convenio” de 30.000 pta/ano. O medre do número de auxiliares nun 70,74% fronte ao 4,05% do número de oficiais, demostra a falta dun sistema obxectivo de ascenso e promoción profesional como a CIG vén denunciando. En materia de suba salarial, de xornada laboral ou de emprego, a patronal continúa sen facer propostas.
En resume:
- A negociación está centrada na clasificación profesional.
- As caixas aceptan o ascenso para os auxiliares ata Oficial Segunda aos 12 anos.
- Os titulados, os informaticos, os axudantes de aforro e de oficios varios, son categorías a extinguir.
- A transposición das categorías en niveis non pode traducirse nunha perda de dereitos nin de salarios.
- Continúa sen haber propostas patronais sobre suba salarial, emprego ou xornada laboral.
Galiza, 14 de outubro de 2003.
 Imprime e difunde.
|
