Actualidade Vigo, 31 de outubro de 2003 Convenio da Banca Privada Comunicado nº 16   CIG-Comunicación- cig.prensa@galizacig.com Daquelas augas veñen estes lodos A reunión do día 30 de outubro foi como estaba previsto. A AEB fixo firme a súa proposta anterior, están por un convenio para este ano 2003 cunha suba salarial do 2,75%. Proposta que non facilita un avance real na negociación, simplemente adiaría o actual desencontro de posicións para o ano 2004. Sabemos que quere a AEB, malia que non fale: queren un convenio como os anteriores. Dende o ano 1980 a negociación colectiva estatal contribuíu a reducir os beneficios sociais, desregulou a xornada laboral, destruíu e precarizou o emprego e perdemos poder adquisitivo. Como contrapartida incrementouse a productividade e os beneficios empresariais acadaron cifras que a maior parte da poboación considera insultantes. O convenio colectivo 1999-2002, orixinou unha forte perda de poder adquisitivo; tampouco é casual que durante este mesmo período o emprego continuara a reducirse na Galiza.   1999 2000 2001 2002 IPC 2,9 4,0 2,7 4,0 Suba convenio 2,5 2,0 2,0 2,0 Perda salarial 0,4 2,0 0,7 2,0  Evolución emprego na Galicia no período do convenio 1999-2002   1999 2000 2001 2002 Total % A Coruña 3.706 3.595 3.468 3.362 -344 -9,30 Lugo 781 741 720 698 -83 -10,60 Ourense 787 753 712 690 -97 -12,30 Pontevedra 2.250 2.164 2.126 2.061 -189 -8,40 Galiza 7.524 7.253 7.026 6.811 -713 -9,47 AEB non só sabe o que quere, tamén está mal acostumada xa que nos convenios estatais sempre obtivo o que quería coa única oposición do sindicalismo nacionalista. Daquelas augas veñen estes lodos. Os traballadores/as tamén sabemos o que queremos: Queremos recuperar o poder adquisitivo perdido, librar os sábados, eliminar as horas extras, garantir a creación de emprego fixo e con dereitos, eliminar a mobilidade xeográfica e homologar os dereitos do persoal de nova entrada. Na vindeira semana celebraremos un Cumio do sindicalismo nacionalista, galego e vasco (CIG, ELA e LAB), para decidir as mobilizacións a realizar. A vindeira reunión será o día 13 de novembro. En resume: A proposta de Convenio para o ano 2003 da AEB simplemente adía o desencontro ata o ano 2004. O último Convenio orixinou unha forte perda de poder adquisitivo e facilitou a destrucción de emprego. Entre 1999 e 2002 destruíronse na Galiza 713 postos de traballo. AEB está mal acostumada, sempre obtivo o que quería coa única oposición do sindicalismo nacionalista. Na vindeira semana celebraremos un cumio do sindicalismo galego e vasco para decidir as mobilizacións que levaremos a cabo. Galiza, 30 de outubro de 2003. Imprime e difunde.

Confederación Intersindical Galega www.galizacig.com ÚLTIMA REVISIÓN: 31/10/2003